Səhiyyə Nazirliyinin 2 nömrəli Bakı Baza Tibb Kollecində 8 Noyabr – Şanlı Zəfər Bayramının 5-ci ildönümünə həsr olunmuş təntənəli tədbir keçirilib. Tədbirdə “Müharibə Veteranı Qadınlarına Sosial Yardım” İctimai Birliyinin nümayəndələri, tələbə və müəllim heyəti iştirak ediblər. Tədbir iştirakçıları Vətən uğrunda canından keçmiş şəhidlərin xatirəsini bir dəqiqəlik sükutla yad ediblər. Çıxış edənlər Zəfər Gününün Azərbaycanın tarixində əhəmiyyətindən və xalqımızın qəhrəmanlığından danışıblar. Tədbirin sonunda tələbələr tərəfindən vətənpərvərlik ruhunda şeirlər və mahnılar səsləndirilib.