Ümumdünya Səhiyyə Təşkilatının (ÜST) Avropa üzrə Regional Bürosu tərəfindən 24–28 noyabr 2025-ci il tarixlərində Danimarka Krallığının paytaxtı Kopenhagen şəhərində “Şərq Tərəfdaşlığı ölkələrində səhiyyədə dayanıqlığın inkişafına dəstək” layihəsi çərçivəsində “Şərq Tərəfdaşlığı” ölkələri üçün səhiyyə sahəsində insan resurslarının idarə edilməsi və liderlik üzrə IV təlim keçirilib.

Təlimdə Səhiyyə Nazirliyi 2 nömrəli Bakı Baza Tibb Kollecini metodist Vəfa Əliyeva təmsil edib. Təlim zamanı səhiyyə işçilərinin psixi sağlamlığı, insan resurslarının optimallaşdırılması mövzularında müzakirələr aparılıb, tapşırıq əsasında qrup təqdimatları hazırlanıb.

Sonda iştirakçılar sertifikatlarla təltif edilib.