Heydər Əliyev Mərkəzində 2 fevral-Azərbaycan Gəncləri günü münasibəti ilə tədbir keçirildi.
Yasamal rayon İcra Hakimiyyətinin Başçısı Elşad Həsənov qeyd etdi ki, dövlət gənclər siyasəti Ümummilli Lider Heydər Əliyevin Azərbaycana rəhbərlik etdiyi ilk illərdən başlayaraq daim aparıcı istiqamətlərindən biri olub. Ulu öndərin bu sahədə həyata keçirdiyi siyasət gənc nəslin mənəvi-əxlaqi tərbiyəsinin gücləndirilməsinə, onların sosial rifahının yaxşılaşdırılmasına və zəngin elmi potensialın yaradılmasına xidmət edirdi.
Eyni zamanda 2 nnömrəli Bakı Baza Tibb kollecinin Gənçlər Təşkilatının sədri Əlizadə Firudinə rayonun ictimai-siyasi həyatında yaxından iştirak etdiyinə görə Yasamal rayon İcra Hakimiyyətinin Fəxri Fərmanı təqdim olundu.