2019.09.16 yeni tədris ilinin başlanması münasibəti ilə I kurs tələbələri üçün təntənəli tədbir keçirildi. Kollecin direktoru Dilarə Məmmədəliyeva tədbiri açaraq kollecin yaranmasından ölkəmizdə təhsilin inkişafından danışdı və milli təhsilimizin inkişafı məhz ulu öndər Heydər Əliyevin adı ilə bağlı olduğunu, gələcəkdə Azərbaycan təhsili özünün zəngin ənənələrinə, milli mənəvi və ümumbəşəri dəyərlərinə, beynəlxalq təcrübəyə əsaslanaraq daha da inkişaf edəcəyini, dünya təhsil sistemində öz layiqli yerini tutacağını qeyd etdi. Daha sonra tələbələri bilik günü münasibətilə təbrik etdi onlara müvəffəqiyyətlər arzuladı.Tədbir kollecimiz haqqında bədii film və tələbələrin çıxışları ilə tamamlandı.