Səhiyyə Nazirliyinin 2 nömrəli Bakı Baza Tibb Kollecində 31 Mart – Azərbaycanlıların Soyqırımı Gününə və 1992-ci ildə Şuşada qəhrəmancasına şəhid olmuş “Müalicə işi” şöbəsinin tələbələri Ağayev Nazim Ziyad oğlu və Nadirov Aslan Tanrıverdi oğlunun əziz xatirəsinə həsr olunmuş anım tədbiri keçirilib. Tədbir Azərbaycan Dövlət Himni ilə başlayıb, soyqırım qurbanlarının və şəhidlərimizin əziz xatirəsi bir dəqiqəlik sükutla yad edilib.

Kollecin direktoru Dilarə Məmmədəliyeva tədbiri açıq elan edərək, 1918-ci il 31 mart soyqırımının bəşər tarixində ən qanlı faciələrdən biri olduğunu qeyd edib, unudulmamasının vacibliyini vurğulayıb.

Şəhidlərimizin yaxınları  və tələbə yoldaşları tədbirdə çıxış edərək onların keçdiyi döyüş yollarından böyük qürur hissi ilə bəhs edib və kollec rəhbərliyinə göstərdikləri diqqət və qayğıya görə dərin təşəkkürlərini bildiriblər.

Tədbir kollecin THİK və TGT-nin birgə təşkilatçılığı ilə hazırlanan bədii hissə ilə davam edib.

Sonda tədbir iştirakçıları şəhidlik zirvəsinə ucalan tələbələrimizin abidəsi önünə qərənfillər düzüblər.