5 may Beynəlxalq Həkim-Mama Günü

05.05.2022-ci il tarixində 2 nömrəli Bakı Baza Tibb kollecində 5 may Beynəlxalq Mama Gününə həsr edilmiş tədbir keçirildi. Tədbiri “Mamalıq işi” şöbəsinin müdiri C.Muradova çıxış edərək açdı. “Mamalıq” fənn müəllimləri – İ.Qədirova və E.Babayeva tədbir iştirakçılarına “Mamanın cəmiyyətdə rolu”, “Sağlam Nigah və Ailə Planlaşdırılması” mövzusunda geniş məlumat verdilər. Konfransda istehsalat təcrübəsi üzrə rəhbər – K.Bilalova mamalara öz dəyərli məsləhətlərini verdi. Tədbir maraqlı səhnəciklər, ”Şəfa” rəqs qrupunun çıxışı və tələbə – Z.Mənsimovanın ifası ilə davam etdirildi. Təşkil olunmuş tədbir iştirakçılar tərəfindən böyük maraq və izdihamla qarşılandı. Sonda kollecin direktoru t.e.n.D.Məmmədəliyeva gələcək mamaları təbrik edərək, konfrans iştirakçılarına dərin təşəkkürünü bildirdi.