25 aprel 2025-ci il tarixində Səhiyyə Nazirliyi 2 nömrəli Bakı Baza Tibb kollecində görkəmli alim, həkim-oftalmoloq, akademik Zərifə xanım Əliyevanın anadan olmasının 102 illiyinə həsr olunmuş tədbir keçirilib. Tədbirdə Akademik Zərifə Əliyeva adına Milli Oftalmologiya Mərkəzinin cərrah oftalmoloqu Rəvanə Həsənova, kollecin müəllim və tələbə heyəti iştirak edib. Kollecin direktoru Dilarə Məmmədəliyeva tədbir iştirakçılarını salamlayaraq, akademik Zərifə xanım Əliyevanın Azərbaycan tibb elminin inkişafındakı fəaliyyətindən bəhs edib. Mərkəzin oftalmoloqu Rəvanə Həsənova Akademik Zərifə xanım Əliyevanın həyat yolu və elmi fəaliyyətindən geniş məruzə ilə çıxış edib. Tədbir THİK və TGT-in birgə təşkilatçılığı ilə hazırlanmış bədii hissə ilə davam edib.