2019.05.17 “17 may – Dünya Hipertoniya günü” adlı elmi konfrans keçirilmişdir. Mövzu kollecin “Terapiya” fənn müəllimi Şövkət Fətəliyeva tərəfindən təqdim olunmuşdur. Elmi konfransda kollecin müəllim-tələbə heyəti və təkmilləşmə şöbəsinin müdavimləri iştirak etmişdir. Mühazirənin gedişi zamanı “Hipertoniya” xəstəliyinə səbəb olan faktorları əks etdirən video-çarx və slaydların nümayişi iştirakçılar tərəfindən maraqla izlənilmişdir. Elmi konfransda xəstəliyə meyllik yaradan səbəbləri vaxtında aşkarlayaraq aradan qaldırılma üsulları geniş müzakirə olunmuş və iştirakçılar tərəfindən müsbət qiymətləndirilmişdir. Konfransın sonunda dinləyiciləri maraqlandıran suallar verilmiş və qənaətbəxş cavablar alınmışdır.