Azərbaycan Respublikası Səhiyyə Nazirliyi 2 nömrəli Bakı Baza Tibb Kollecinin bir qrup tələbəsi Tələbə Gənclər Təşkilatının təşkilatçılığı ilə ulu öndər Heydər Əliyevin anım günü ilə əlaqədar olaraq 10 dekabr 2024-cü il tarixində Yasamal rayon Heydər Əliyev Mərkəzinə ekskursiya təşkil edib. Tələbələr Mərkəzin Muzey, Kitabxana və İnformasiya Texnologiyaları bölmələri ilə tanış olub. Görkəmli dövlət xadimi Heydər Əliyevin Azərbaycan elminin, təhsilinin inkişafında xidmətləri barədə tələbələrə geniş məlumat verilib, Ulu Öndərin ölkəyə rəhbərliyinin bütün dövrlərində bu sahədə göstərdiyi diqqət və qayğıdan bəhs edilib, videoçarx nümayiş olunub.