S.D. Asfendiyarov adına Qazaxıstan Milli Tibb Universitetinin Tibb bacısı işi kafedrasının müdiri S.Seydumanov Səhiyyə Nazirliyi 2 nömrəli Bakı Baza Tibb Kollecinə işgüzar səfər edib. Səfər çərçivəsində qonaq kollecin tədris prosesi ilə yaxından tanış olub.
Görüş zamanı tibb təhsili sahəsində beynəlxalq təcrübənin mübadiləsi, tədris proqramlarının təkmilləşdirilməsi, elmi-pedaqoji əməkdaşlığın yaradılması və gələcəkdə birgə layihələrin həyata keçirilməsi məsələləri müzakirə olunub. S.Seydumanov kollecdə yaradılmış tədris mühitini yüksək qiymətləndirib, bu cür qarşılıqlı səfərlərin tibb təhsilinin inkişafına mühüm töhfə verdiyini vurğulayıb.