Laboratoriya diaqnostikası

“Laboratoriya diaqnostikası” şöbəsi

2 nömrəli Bakı Baza Tibb Kollecində 1975-ci ildən fəaliyyət göstərir.

İxtisas: Feldşer-laborant
Peşə-ixstisas dərəcəsi: Subbakalavr
Təhsil müddəti: 3 il Tam orta təhsil bazasında
İxtisas kodu: 040705

Məzunların peşə fəaliyyəti

“Laboratoriya diaqnostikası” şöbəsinin məzunu müalicə-profilaktika və sanator-kurort müəssisələrinin, tibbi elmi-tədqiqat insitutlarının, GEM, hospital, tibb mərkəzlərinin kliniki, biokimyəvi, bakterioloji, sitoloji, və seroloji laboratoriyalarında fəaliyyət göstərə bilər.

Məzunların peşə fəaliyyətinin əsas istiqamətləri

Feldşer-laborant

Laborant

Tibbi statistik

“Laboratoriya diaqnostikası” şöbəsinin məzunu bilməli və bacarmalıdır

Azərbaycan Respublikasının qanunlarını və səhiyyəyə aid hüquqi-normativ aktları;
Tibbi etika və deontologiyanın əsas prinsiplərini;
Mikrobiologiyanın əsaslarını;
Tibb müəssisələrində sanitar-gigiyenik rejimə, aseptika və antiseptika qaydalarına, alətlərin sterilizasiya şərtlərinə riayət etməyi;
Laborator cihazların və aparatların işlək vəziyyətdə olmasının yoxlanılması;
Müayinə cihazlarını, həmçinin müasir avtomat, yarımavtomat cihazları işlətməyi;
Təhlükəsizlik texnikası qaydalarını;
Laboratoriya sənədlərinin və müayinə blanklarının doldurulmasını;
Dezinfeksiyaedicilərin xüsusiyyətlərini və onların işlənməsi qaydalarını;
Boksda işin xüsusiyyətlərini;
Qoruyucu paltarların istifadəsini;
Steril işçi geyiminin istifadəsini;
Bioloji materialı qəbul etməyi və qeydiyyata almağı;
Yeni laborator müayinə üsullarını;
Hematoloji, biokimyəvi, mikrobioloji, immunoloji, histoloji laborator müayinələrin aparılmasını;
Reaktivlərin seçilməsi, saxlanması, hazırlanması və keyfiyyətinin yoxlanılması;
Ümumi klinik laborator müayinələrin aparılmasını;
Müayinələrin cavablarının yazılmasını, saxlanılmasını, pasientlərə və şöbələrə çatdırılmasına nəzarət edilməsini;
İşlənmiş materialın dezinfeksiya və zərərsizləşdirməyi;
Yoluxucu materialla işləmə qaydasını;
Bioloji materialın götürülmə üsullarını;
Dezinfeksiyaedici məhlulları hazırlamağı;
Qidalı mühitlərin hazırlanmasını;
Pasientlərdən bioloji materialların götürülməsi, toplanması, daşınması və saxlanması;
Bioloji materialın laborator müayinəsini həyata keçirməyi;
Mikrob koloniyasını yetişdirməyi, istifadə olunmuş biloloji materialların atılması və utilizasiyasını;
Müayinələrin keyfiyyətinə nəzarət etməyi, analizlərin düzgünlüyünü və etibarlılığını təmin etməyi;
Tibbi sənədləri tərtib etməyi;
Təxirəsalınmaz vəziyyətlərdə həkiməqədər yardım göstərməyi.

Tədris olunan fənlər

İnsanın normal anatomiya və fiziologiyası
Ümumi və xüsusi patologiya
Farmakologiya reseptura ilə
Tibbi genetika
Laborator işlərin texnikası
Kliniki laborator müayinə üsulları
Biokimya, biokimyəvi müayinə üsulları ilə
Mikrobiologiya, mikrobioloji müayinə üsulları ilə
Tibbi parazitologiya
Gigiyena sanitar gigiyenik müayinə üsulları ilə
İlk tibbi yardım
Histologiya, histoloji müayinə üsulları ilə
Sitoloji müayinə üsulları
Analitik kimya
Hərbi tibbi hazırlıq və fəlakətlər təbabəti
Azərbaycan dilində işgüzar və akademik kommunikasiya
Azərbaycan tarixi
Xarici dildə işgüzar və akademik kommunikasiya
Hüququn əsasları
İnformasiya texnologiyaları