Azərbaycan Respublikası Səhiyyə Nazirliyi 2 nömrəli Bakı Baza Tibb kollecində 30 sentyabr 2024-cü il tarixində müəllim-tələbə heyyətinin iştirakı və "Mədəni İnkişaf və Dialoq" İctimal Birliyinin təşkilatçılığı ilə "Süni intellekt mədəniyyətinin öyrənilməsi" mövzusunda maarifləndirmə və məlumatlandırma layihəsi çərçivəsində seminar keçirilib.
Azərbaycan Respublikasının Dövlət Himni ilə başlanan tədbirdə vətənimizin ərazi bütövlüyü uğrunda şəhid olan qəhrəmanlarımızın əziz xatirəsi bir dəqiqəlik sükutla yad edilib. Layihənin əsas məqsədi XXI əsrdə, rəqəmsallaşan dünyamızda süni intellektin, süni davranışlı cansız “robot-insan”ın meydana çıxması, insana xas intellektual funksiyalara (öyrənmək, məsələləri həll etmək, təbii dili başa düşmək və s.) malik texnoloji sistemin mədəniyyəti haqda məlumatlandırmaqdır.
Mövzu ətrafında tələbələrin də iştirakı ilə fərdi çıxışlar və müzakirələr aparılıb.