Azərbaycan Respublikası Səhiyyə Nazirliyinin 2 nömrəli Bakı Baza Tibb Kollecində 4 aprel 2024-cü il tarixində “Ortho Baku” laboratoriyası ilə “Ortopedik stomatologiya” şöbəsinin bir qrup müəllim və tələbə heyətinin birgə iştirakı ilə “Müasir Ortodontiyada Elayner sistemləri və texniki tərəfləri” mövzusunda seminar keçirilib.

Seminarda Dr. Yusif Xəlilov çıxış edərək müasir stomatologiyada ortodontik müalicə üsulunun bir növü olan elaynerlər, onların növləri, hazırlanma mexanizmləri və texniki tərəfləri barədə ətraflı məlumat verib. Eyni zamanda doktor çıxışında ənənəvi brekketlər ilə elaynerlərin fərqlərini vurğulayıb.