Azərbaycan Respublikası Səhiyyə Nazirliyi 2 nömrəli Bakı Baza Tibb kollecində “Müharibə Veteranı Qadınlarına Sosial Yardım” İctimai Birliyinin iştirakı ilə vətənpərvərlik mövzusunda tədbir keçirilib.
Tədbir Azərbaycan Respublikasının Dövlət Himni ilə başlayıb və şəhidlərimizin ruhu bir dəqiqəlik sükutla yad edilib.
Tədbirdə MVQSYİB-in sədri Radə Abbas vətənpərvərlik ruhunun yüksəldilməsi və qızlarımızın milli adət-ənənələrə uyğun tərbiyə edilməsi haqqında geniş məruzə ilə çıxış edib.
Sonda “Müharibə Veteranı Qadınlarına Sosial Yardım” İctimai Birliyi tərəfindən kollecin tələbələrinə diplom, xatirə olaraq hədiyyələr verilib, 1992-ci ildə Qarabağın işğalı zamanı Laçın, Kəlbəcər, Xocalı və digər ərazilərimizdən girov götürülən azyaşlı qızlarımızın naməlum taleyi haqqında Dövlət sifarişi ilə çəkilən “Məhv edilmiş gələcək” filminin nümayişi olunub.