Azərbaycan Respublikası Səhiyyə Nazirliyi 2 nömrəli Bakı Baza Tibb Kollecində 15–18 dekabr 2025-ci il tarixlərində “Tibb bacısı (qardaşı) işi” və “Mamalıq işi” şöbələrinin III kurs tələbələri üçün OSKİ – Obyektiv Strukturlaşdırılmış Klinik İmtahan təşkil olunub.

İmtahan müvafiq ixtisas müəllimləri tərəfindən hazırlanmış təcrübi bacarıqlar əsasında, əvvəlcədən yaradılmış komissiyalar tərəfindən həyata keçirilib.

“Tibb bacısı (qardaşı) işi” şöbəsinin tələbələri “Tibb bacısının işi”, “Cərrahiyyədə tibb bacılığı” və “Pediatriyada tibb bacılığı”, “Mamalıq işi” şöbəsinin tələbələri isə “Mamalıq və ginekologiya” və “Pediatriya” fənninin neonatologiya bölməsi üzrə bilik və bacarıqlarını nümayiş etdiriblər.

Mülyaj və tibbi alətlərlə təchiz olunmuş 6 məntəqədə keçirilən imtahan zamanı tələbələrin təcrübi bacarıqları obyektiv meyarlar əsasında qiymətləndirilib.