17.05.2022-ci il tarixində 2 nömrəli Bakı Baza Tibb kollecində Azərbaycan Respublikası Səhiyyə Nazirliyinin Respublika QİÇS-lə Mübarizə Mərkəzi (RQMM) tərəfindən 15 may “QİÇS-dən vəfat etmiş insanların Beynəlxalq Anım günü” ilə bağlı müayinələr və maarifləndirmə yönümlü tədbir keçirilmişdir. Tədbirdə Respublika QİÇS-lə Mübarizə Mərkəzinin həkim-infeksionisti Emiliya Şahbazova çıxış edərək İnsanın İmmunçatışmazlığı Virusunun (İİV) Azərbaycanda yayılmasının qarşısının alınması, sağlam və təhlükəsiz həyat tərzi haqqında tələbələrə məlumat verdi. Tədbirdən sonra tələbələr könüllü olaraq İİV ekspres-testdən keçdilər.