Azərbaycan Respublikası Səhiyyə Nazirliyi 2 nömrəli Bakı Baza Tibb kollecində "Scandens Pharmaceutical İndustries" əczaçılıq zavodunun nümayəndələri qonaq olub. Qonaqlar kollecin “Əczaçılıq” şöbəsində avadanlıqlarla təchiz olunmuş  laboratoriya otaqları ilə tanış olub.

Daha sonra kollecin akt zalında nümayəndələr “Əczaçılıq” şöbəsinin tələbələri üçün hazırlanmış təqdimatla çıxış edib.  Zavodun İnsan Resursları şöbəsinin mütəxəssisi Xeyransa Əhmədova, İstehsalat direktoru Ersin Heyran, İnsan Resursları şöbəsinin meneceri Famil Manafov  tələbələrə geniş məlumat verib, sualları cavablandırıb, gələcəkdə zavodun əməkdaşı kimi çalışmaq istəyən tələbələrin CV-lərini təqdim etmələri üçün əlaqə məlumatlarını paylaşıblar.