Azərbaycan Respublikası Səhiyyə Nazirliyi 2 nömrəli Bakı Baza Tibb kollecində son nəsil robot olan JV/F 10002 avtomatik doğuş simulyatorunun təqdimatı keçirilib.
Kollecin direktoru çıxışında tədris prosesinin keyfiyyətini artırmaq, ölkəmiz üçün peşəkar tibb işçilərinin hazırlanması işini dərinləşdirmək, tibbi tədrisin effektiv olmasında praktiki biliklərin aşılanması məqsədilə aparılan islahatlardan bəhs edib.

Simulyatorun köməyi ilə mamalıq palpasiya müayinələrini aparmaq, dölün ürək döyüntüsünün auskultasiyasını etmək, bütün real doğuş prosesini immitasiya etməyə imkan verən avtomatik doğuş prosesini izləmək, uşaqlıq boynunun açılma dərəcəsini qiymətləndirmək, doğuşdan sonrakı kəsiklərin aparılması və tikişlərin qoyulmasını məşq etmək, dərmanların yeridilməsi üçün hamilənin venadaxili kateterizasiyasını aparmaq mümkündür.