Azərbaycan Respublikası Səhiyyə Nazirliyi 2 nömrəli Bakı Baza Tibb kolleci Yeni Azərbaycan Partiyası Yasamal rayon təşkilatı, Yasamal Rayon İcra Hakimiyyəti, Bakı şəhər Gənclər və İdman İdarəsi üzrə Yasamal rayon Gənclər və İdman sektorunun birgə təşkilatçılığı və “XXI əsr Beynəlxalq Təhsil və İnnovasiya Mərkəzi”nin tərəfdaşlığı ilə ümummilli lider Heydər Əliyevin anadan olmasının 101-ci ildönümünə həsr olunan silsilə idman yarışları çərçivəsində voleybol idman növü üzrə oğlanlar arasında keçirilən yarışına ev sahibliyi edib.

Azərbaycan Respublikası Dövlət Himni ilə başlanan turnirdə ümummilli lider Heydər Əliyevin əziz xatirəsi bir dəqiqəlik sükutla yad edilib.
Kollecin direktoru Dilarə Məmmədəliyeva çıxışında ulu öndər Heydər Əliyevin zəngin irsinin və xalqımızı xilaskar missiyasının bu gün də öz bəhrələrini verdiyindən və onun öyrənilməsinin vacibliyindən danışıb.
2-3 may 2024-cü il tarixində müxtəlif ali və orta təhsil müəssisələrinin tələbələrindən ibarət oğlanlar arasında keçirilən voleybol turnirində Azərbaycan Respublikası Səhiyyə Nazirliyi 2 nömrəli Bakı Baza Tibb kollecinin komandası üçüncü yerin qalibi olub.