Edumall Preloader

Xocalı tədbir

20250226_121523
Fotoqalereya Xəbərlər

Xocalı tədbir

Azərbaycan Respublikası Səhiyyə Nazirliyi 2 nömrəli Bakı Baza Tibb kollecində 26 fevral 2025-ci il tarixində “Xocalı Soyqırımı”nın 33-cü il dönümünə  həsr olunmuş “Xocalı qan yaddaşımızdır” adlı tədbir keçirilib. Tədbirdə kollecin rəhbər, müəllim-tələbə heyəti iştirak edib. Xocalı faciəsində həlak olanların xatirəsi bir dəqiqəlik sükutla yad edilib.

Ulu Öndər Heydər Əliyevin tariximizin ən qanlı səhifələrindən olan Xocalı soyqırımına siyasi-hüquqi qiymət verərək haqq səsimizi dünya dövlətlərinin və beynəlxalq təşkilatların diqqətinə çatdırdığı xüsusi vurğulanıb.

Xocalı şəhərinin 19.09.2023-cü il tarixində Azərbaycan Ordusunun Qarabağda keçirdiyi lokal xarakterli antiterror tədbirləri nəticəsində separatçılardan tamamilə təmizləndiyi qeyd edilib. Cənab Prezident, Müzəffər Ali Baş Komandan İlham Əliyev 15.10.2024-cü ildə Xocalı şəhərində Azərbaycanın üçrəngli bayrağını ucaltmaqla soyqırım qurbanlarının qanının yerdə qalmadığını, onların qisasının alındığını sübut edib.

Tədbirdə Xocalı həqiqətlərinə həsr olunmuş qısametrajlı film nümayiş olunub. Tədbir kollecin THİK və TGT birgə təşkilatçılığı ilə hazırladığı bədii hissə ilə davam edib.

Azərbaycan Respublikası Səhiyyə Nazirliyi 2 nömrəli Bakı Baza Tibb kollecinin müəllim-tələbə heyəti 26 fevral 2025-ci il tarixində “Xocalı Soyqırımı”nın 33-cü ildönümü ilə əlaqədar Xətai rayonunda faciə qurbanlarının xatirəsinə ucaldılan “Ana harayı” abidəsini ziyarət edərək, abidə önünə gül dəstələri qoyublar, qərənfil dəstələri qoyublar.