Kollecimizin ictimai fənlər blokunun müəllimləri tərəfindən Vətən müharibəsində şanlı qələbəmizə həsr olunmuş onlayn videokonfrans keçirildi. Konfransın əvvəlində torpaqlarımızın azad olunması uğrunda canından keçən şəhidlərimizin ruhu bir dəqiqəlik sükutla yad edildi.
Daha sonra kollecimizdə təhsil alan və müharibənin ilk günlərindən cəbhənin müxtəlif istiqamətindəki döyüşlərdə iştirak edən, bu günə qədər Vətən qarşısında borcunu yerinə yetirərək hərbi xidmət göstərən igid tələbələrimizdən danışıldı. Sonda 44 günlük müharibədə əldə etdiyimiz misilsiz zəfər, şanlı qələbə münasibətilə təbrik sözləri səsləndirildi.