Azərbaycan Respublikası Səhiyyə Nazirliyi 2 nömrəli Bakı Baza Tibb Kollecində "8 Noyabr Zəfər günü"nə həsr olunan tədbir keçirilib. Azərbaycan Respublikasının Dövlət Himni ilə başlanan tədbirdə dövlətimizin ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbirdə kollecin direktoru Dilarə Məmmədəliyeva açılış nitqində qeyd edib ki, "Azərbaycan Respublikasının Prezidenti cənab İlham Əliyevin 2020-ci il 3 dekabr tarixli Sərəncamı ilə xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz qələbənin əbədiləşdirilməsi məqsədilə hər il noyabrın 8-i Azərbaycan Respublikasında "Zəfər Günü" kimi təntənəli şəkildə qeyd edilməsi qərara alınıb".

Tədbirin qonaqları Yasamal rayon İcra Hakimiyyəti Başçısının müavini Təravət Muradova, Yeni Azərbaycan Partiyası Yasamal rayon Təşkilatının sədri Bəxtiyar Nəbiyev, kollecimizin əməkdaşı olmuş şəhid Mürsəl Kazımlının valideynləri olub. Qonaqlar çıxışlarında işğal altında olan ərazilərimizin qaytarılması ilə nəticələnən Vətən Müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildiyini qeyd ediblər.

Tədbir Tələbə Gənclər Təşkilatı və Tələbə Həmkarlar İttifaqının birgə hazırladığı bədii hissə ilə davam edib.