“Karyerada ilk addım” devizi altında məşğulluq yarmarkası
21 iyun 2023-cü il tarixində Azərbaycan Respublikası Səhiyyə Nazirliyi 2 nömrəli Bakı Baza Tibb kollecində 2022/2023-cü tədris ilinin məzunları üçün "Karyerada ilk addım” devizi altında məşğulluq yarmarkası təşkil edilmişdir. 22 iyun 2023-cü il "Karyerada ilk addım” devizi altında təşkil olunmuş məşğulluq yarmarkasının davamı olaraq tədbirdə “Əczaçılıq” şöbəsinin 89 məzunu iştirak edib. Yarmarkada tələbə və məzunlar işəgötürənlərə CV anketlərini və şəxsi məlumatlarını təqdim edib, işəgötürənlər isə müvafiq ixtisaslar üçün kadr seçimi aparmaq imkanı qazanıblar və məzunlar onların işlə təminatı üçün yaradılan imkanı yüksək dəyərləndiriblər.