Tibbi profilaktika

“Tibbi profilaktika” şöbəsi

2 nömrəli Bakı Baza Tibb Kollecində 1975-ci ildən fəaliyyət göstərir.

İxtisas: Sanitar-feldşer
Peşə-ixstisas dərəcəsi: Subbakalavr
Təhsil müddəti: 3 il Tam orta təhsil bazasında
İxtisas kodu: 040715

Məzunların peşə fəaliyyəti

“Tibbi profilaktika” şöbəsinin məzunları dövlət sanitar nəzarəti, əks-epidemik nəzarət, profilaktik və cari dezinfeksiya tədbirləri, laborator tədqiqatlar və tibbi statistik hesabatları aparmaq üçün hazırlanır. Onlar müalicəvi-profilaktika müəssisələrində, gigiyena-epidemiologiya mərkəzi, laboratoriyalarda, Qida agentliyi, sənaye müəssisələrində və ya tibb təşkilatlarında işləyə bilərlər.

Məzunların peşə fəaliyyətinin əsas istiqamətləri

Rəhbər: tibb məntəqəsinin müdiri

Sanitar- feldşer

Feldşer-laborant

Təlimatçı-dezinfektor

Həkim-epidemioloqun köməkçisi

Həkim-parazitoloqun köməkçisi

Entomoloqun köməkçisi

Tibbi statistik

“Tibbi profilaktika” şöbəsinin məzunu bilməli və bacarmalıdır

Azərbaycan Respublikasının qanunlarını və səhiyyəyə aid hüquqi-normativ aktları;
Tibbi etika və deontologiyanın əsas prinsiplərini;
Müalicə və sanitar-profilaktika müəssisələrinin quruluşunu və tiplərini;
Yaşayış sahalərində, istehsalat müəssisələrində, mədəni-məişət, təhsil obyeklərində gigiyenik normativlərini;
Sağlam həyat tərzinin əsaslarını;
Ümumi gigiyena və istehsalat sanitariyasının əsaslarını;
İdarə, müəssisə və ayrı-ayrı şəxslər üçün nəzərdə tutulmuş gigiyenik normaları;
Torpağın, suyun, havanın, qida məhsullarının keyfiyyətinin gigiyenik göstəricilərini;
Yaşayış məntəqələrinin, ictimai binaların, gigiyena müəssisələrinin, istehsalat sahələrinin, müalicə-profilaktik və ictimai-iaşə obyektlərinin müayinəsini aparmağı;
Əhalinin əmək şəraitinin sanitar nəzarətini aparmağı;
Vaksinasiyanın təşkil və aparılması vaxtını;
Vaksinlərin alınmasını, daşınmasını, saxlanılmasını və istifadə qaydalarının gigiyenik normativlərini;
Sanitar-maarif işini;
Sanitar-gigiyenik və sanitar əks-epidemik qaydaların yerinə yetirilməsinə nəzarət;
Əhali tərəfindən istifadə olunan yerüstü və yeraltı suların çirklənməsinin qarşısının alınması və ləğv edilməsi üçün tədbirləri;
Əhalinin sağlamlıq vəziyyətinin qiymətləndirilməsini aparmaq və ona təsir edən faktorları müəyyən etməyi;
Epidemioloji vəziyyəti qiymətləndirməyi;
Ekoloji ekspertizanı aparmağı;
Sanitar-epidemioloji müayinələrin keçirilməsində iştirak etməyi;
Statistik müşahidələr aparmaq və onlara dair hesabat hazırlamağı;
Cari, nəzarətedici və xəbərdaredici sanitar tədbirlərini aparmağı;
Xəstəlik ocağında dezinfeksiya tədbirlərin yerinə yetirilməsinə nəzarət;
Parazitar xəstəliklərin profilaktikasına yönəlmiş tədbirləri təşkil etmək və həyata keçirməyi.