Müalicə işi

“Müalicə işi” şöbəsi

2 nömrəli Bakı Baza Tibb Kollecində 1975-ci ildən fəaliyyət göstərir.

İxtisas: Feldşer
Peşəixtisas dərəcəsi: Subbakalavr
Təhsil müddəti: 3 il Tam orta təhsil bazasında
İxtisas kodu: 040701

Məzunların peşə fəaliyyəti

İxtisaslı feldşer əhalinin sağlamlığının qorunması və möhkəmləndirilməsi üçün müalicə-profilaktika müəssisələrində, feldşer-mama məntəqələrində, xəstəxanalarda, poliklinikalarda, sanator-kurort komplekslərində, dispanserlərdə, elmi-tədqiqat institutlarında, tibb məntəqələrində, təxirəsalınmaz və təcili tibbi yardım stansiyalarında, hospitallarda, tibb mərkəzlərində fəaliyyət göstərir.

Məzunların peşə fəaliyyətinin əsas istiqamətləri

Rəhbər: tibb məntəqəsinin müdiri

Baş feldşer

Böyük feldşer

Böyük mama

Mama

Tibb bacısı (tibb qardaşı)

Rentgen-texnik

Anestezist

Müalicəvi bədən tərbiyəsi üzrə təlimatçı

Əmək terapiyası üzrə təlimatçı

Tibbi statistik

"Müalicə işi" şöbəsinin məzunu aşağıdakıları bilməli və bacarmalıdır

Azərbaycan Respublikasının qanunlarını və səhiyyəyə aid hüquqi normativ aktları;
Tibbi etika və deontologiyanın əsas prinsiplərini;
Müalicə-profilaktika müəssisələrində orta tibb işçisinin hüquq və vəzifələrini;
Müalicə-profilaktika müəssisələrində işin təşkili və strukturunu;
Əhaliyə tibbi yardımın göstərilməsinin təşkilini, herontologiya və heriatriyanın əsaslarını;
Profilaktik və sanitar-maarifləndirmə işlərinin yerinə yetirilməsini, sanologiya və valeologiyanın əsaslarını;
Müalicə-profilaktika müəssisələrində sanitar-profilaktik rejimin təşkilini;
Dispanserizasiyanın təşkili və aparılmasını, xəstəliklərin vaxtında aşkar edilməsini;
Dietologiyanın əsaslarını;
Əhalinin sağlamlıq vəziyyətinin statistikasını və tibbi sənədlərin tərtib olunmasını;
Tibbi reabilitasiyanın əsaslarını;
Tibbi təhlükəsizlik qaydalarını;
Sanitar-maarif işini;
İlk tibbi yardımın təşkilini;
Zərərçəkənlərin, xəstələrin təxliyəsini və daşınmasını;
Xəstəxanalarda və tibb müəssisələrində tibb bacılarının işinin təşkilini;
Antropometrik ölçmələrin aparılmasını;
Təxirəsalınmaz vəziyyətlərdə həkiməqədər yardımın göstərilməsini;
Travmalar, zəhərlənmələr, yanıqlar və s. zamanı ilk yardımın göstərilməsini;
Xəstəyə baxış keçirməyi və vəziyyətini qiymətləndirməyi, obyektiv müayinə aparmağı;
Laborator və instrumental müayinələrin aparılmasının ümumi prinsiplərini;
Defibrilyator aparatını işlətməyi, EKQ-çəkməyi və qiymətləndirməyi, süni vintilyasiya aparatını işlətməyi, xəstəni intubasiya etməyi;
Kritik hallarda ürək-ağciyər reanimasiyasını etməyi;
Kiçik ambulator cərrahi müdaxilələr etməyi (yaraların birincili cərrahi işlənməsi, irinciklərin açılması, yaraya tikiş qoyulması, qanaxmanın saxlanması);
Dərman preparatlarının alınması, yazılması və saxlanılmasını;
Fizioterapevtik prosedurların yerinə yetirilməsini;
Profilaktik peyvəndlərin aparılma texnikasını.