Diş texnikliyi də incəsənətin bir növü hesab olunur. 29.04.2015-ci il tarixində “Ortopedik stomatologiya” şöbəsində “Dişlərdə anatomik formanın modelləşdirilməsi” üzrə yarış təşkil olunmuşdur. Yarışda Sumqayıt tibb kollecinin nümayəndələri də iştirak edirdi. Giriş sözü ilə çıxış edən kollecin direktoru t.e.n D.Ə.Məmmədəliyeva iştirakçılara uğurlar arzuladı. Yarış kollecimizin metal-keramik protezlərin hazırlanması kabinetində Seyfullayev Anar müəllimin rəhbərliyi altında keçirildi. Tələbələrdə həyacan, rəqabət aydın sezilirdi.
Yarışın sonunda tələbələr əl işlərini münsiflər heyətinə təqdim etdilər. Əmrahov Xəyal, Nəsirov Mehdi, Mirzəyev Məhərrəm və Rzayev Elnur münsiflər heyətinin üzvləri idi. Tələbələrin göstəriciləri bir – birindən fərqlənsələr də hər biri yaxşı olduğundan seçim bir az çətinləşirdi. Nəhayət birinci, ikinci və iki üçüncü yerin qalibi müəyyən oldu. Cəfərli Nicat, Şahbazov Vüsal, Abbasov Osman və Balaməmmədova Humay qalib oldular. Qaliblərin mükafatlandırılma mərhələsi 2 Nömrəli Bakı Baza Tibb Kollecinin direktoru tərəfindən aparıldı. Sonda xatirə şəkili çəkildi xəbərin şəkilləri.